خلي الكورونا تنفعك

مبادرة الاستفادة من وجودنا في البيت
نحول الوقت اللي كلنا مضايقين من الي وقت مفيد وفعال
الموضوع ببساطة 

• اي مدرس ، محاضر ، واحد عنده معلومات في موضوع معين ، كورس معين ، خبرة معينة عنده خبرة في التدريس لبرامج الكمبيوتر ، الجرافيكس ، البرمجة ، قواعد البيانات ، التسويق الالكتروني ، تصميم المواقع

• اي واحد او واحدة تقدر تفيد باي معلومات في اي موضوع حتي لو الطبخ او تنسيق الزهور او الرسم او الخط ، او اي مهارة ممكن الناس تستفيد منها

• اي حد عاوز يطلع صدقة العلم اللي ربنا وفقه في تحصيله حتي لو كان محاسبة ، حفظ قران ، تصوير ، اضائة ، ديكور ، تنسيق البيت ، اتيكيت التعامل

حنعلمك ازاي تنزل برنامج زووم وتعمل بيه محاضرة اونلاين باستخدام اي جهاز عندك ، كمبيوتر ، تليفون ، تابلت ، وحنرتب المتدربين ويدخلو معاك في نفس الوقت ياخدو الحصة اونلاين

 ( ماتخافش حتي لو النت مش سريع حنعلمك ازاي تتعامل )
حيبقي التدريب عملي كمان في حالة برامج الكمبيوتر زي الجرافيكس مثلا ، حتي لو المتدرب ماعندوش البرنامج ( حنعلم المحاضرين ازاي )
بعدها حننزل كمان المحاضرة دي علي اليوتيوب متسجلة علشان اللي حضر ممكن يرجع يعيد المحاضرة لو فيه حاجة مش فاهمها
كده المدرسين والمتطوعين يحتسبوا تعدد النيات

 نية زكاة العلم ، نية نشر العلم ، نية استفادة الناس من العلم اللي ممكن يغير مستقبل شخص خالص ، ويحتسب صدقة جارية تنفعه بعد الوفاة حتي  علم ينتفع به 
حيبقي فيه لينك المحاضرين يسجلو فيه معلوماتهم والمواد اللي ممكن يدرسوها علشان نرتب الموضوع
وحيبقي فيه لينك للطلبة اللي عاوزين يدرسوا الكورسات علشان لو العدد كبر نقدر نرتب الاعداد
————————–