دايما بنسمع و بنقرا عن النجاح و اسرار النجاح وازاي تكون ناجح في 3 ساعات و نص و ازاي تخلي حياتك ناجحه بكوبايه ليمون عليها شويه جنزبيل محطوط عليهم ينسون حسب الشهيه و ده وصلت الدرجه بناس انهم يروحوا يدوروا على النجاح زي كده بالظبط اصلو النجاح مجلناش فقولنا نروح نجيبه
و في ناس دفعت فلوس و صرفت و كلفت للناس الي ماسكين اسرار النجاح الي قالولهم البس البتاعه ديه والي قالك اشرب البتاع ده و اتطلب منهم خنفسه مطلقه 4 مرات و يكون رجليها اليمين اتقطعت و هيا بتعدي مضيق جبل طارق
بس قبل ماتصرف و تصدق و تأمن و تدافع عن الطريق الي انت ماشي فيه و مصدقه اوي كده
ممكن سؤال بس الاول…هوا يعني ايه نجاح اصلا؟
عايزين الصراحه …. الي قالك انو النجاح يعني انك تكون متعلم كويس و معاك شهاده كده تحطها في عين اي حد ممكن يقلل منك في يوم و طبعا عشان تتجوز بيها فتحطها في عين اهل العروسه او لما تكبر تحطها في عين عيالك عشان تفضل مثالهم الاعلى و يفضلوا فخورين بيك و اهو بالمره نحطها في عين مديرك في الشغل عشان يديك مرتب يقدر انه يملى عينك انت شخصيا …..بس خالينا نقول انو عموما انت بتاخدها عشان تحطها في عين اي حد تشوفه حتى نفسك وانتا بتشوفها في المرايه….
في الي من وجه نظره النجاح هوا الاختلاف ….هوا في الحقيقه مبيبوصش لوجه نظرك انتا للاختلاف ده هوا بيبص على استمتاعه
وتفرده بيه فممكن يطنش كومنتك على الي بتقوله والي بتعمله و ممكن يقعد يسمعك بس ولا كلمه بعد ماتخلص معاه حتبقى في دماغه ….. فالاحسن ليك توفر وجع الدماغ و تسكت .
و صاحب القفازات الحريريه ده الي بقى كان طالع في ابتدائيه بمجموع 99% و كان في اعداديه كان طالع الثامن على الجمهوريه …و في ثانويه بكل اسف قل عن ابن خالتوا 0.3% الي اصلا كان جايب 408.5 . الي نفسه وهوا صغير كان بيخلص طبق اكله كله .و كان بيلبس الجرافته فوق قميص المدرسه.وكان تيجي الساعه 8 تلاقيه في السرير.
فالحقيقه هوا المشتبك جرب حاجه التاني مجربهاش ……جرب الفشل …وانا قاصده استخدم فعل (يجرب) ..فمفيش حاجه اسمها فشل .هيا تجارب عدت علينا ولسا حتعدي و بنكتسب منها خبرات …فما يطلق عليه فشل هو في الحقيقه ابن النجاح .
وان كانت الحياه مصيرا نعيشه ….فالنجاح هوا خيارك انت
في سبع حاجات لازم نعرفهم و هما الطريق الحقيقي للنجاح
و فيه الي بالنسباله انو نجاحه من نجاح اهله يعني وانتا بتسأله انتا مين حيقلك ابويا تسلق جبل افريست مرتين و امي اخدت لقب ملكه جمال راس البر!..فبعد متسمع اجاباته النموذجيه لكل اسئلتك ..حتندم انك سئلته
و بعد كل الكلام ده احب اقول حاجه….
النجاح مش رقمين موجودين على ورقه محطوط جنبهم ختم وزاره التربيه و التعليم ….الناس ديه ايوا تعبوا و اجتاهدوا عشان يوصلوا للي هما فيه و يمكن كمان كسبوا ماديا و ده زائد طبعا احترام الناس.
اصل الي وصلوا للنجاح دولا في الحقيقه نوعين …
النوع الاولاني (المشتبك) و النوع التاني بيتحط تحت مسمى صاحب القفازات الحريريه
المشتبك ده الي طريقه كله وقعات مفيش حاجه في حياته وصلها غير لما اتبهدل و اتقلل منه لان غالبا الناس ديه محدش كان مصدق انهم حتى ممكن يعملوا عربيه كبده و يقفوا عليها
